Itinalaga ng Santo Papa Benedict XVI si Archbishop Edward Joseph Adams bilang bagong Papal Nuncio sa Pilipinas kapalit ni Archbishop Fernando Filoni, na nahirang maging Substitute for General Affairs of the Secretariat State, ikatlong pinakamataas na puwesto sa Vatican.
Si Adams ay ipinanganak sa Philadelphia, USA noong Agosto 24, 1944 at naordinahang pari noong Mayo 1970. Bago ang Pilipinas, siya ay nakapaglingkod na sa mga bansang Rwanda, Kenya, Honduras, Ireland, Denmark, Czech Republic, Zimbabwe at Bangladesh.
Bilang Papal Nuncio, pangunahing katungkulan ni Adam na higit pang patatagin ang ugnayan ng Simbahang lokal, mga obispo at ng Santo Papa.
Nauna sa kanya bilang mga Nuncio ay sina Archbishop Fernando Filoni (2006 - 2007), Archbishop Antonio Franco (1999 - 2006), Archbishop Gian Vincenzo Moreni (1990 - 1999), Archbishop Bruno Torpigliani (1973 - 1990), Archbishop Carmine Rocco (1967 - 1973),Archbishop Carlo Martini (1963 - 1967), Archbishop Salvatore Siino (1959 - 1963), Archbishop Egidio Vagnozzi (1949 - 1958).
Samantala, nanungkulan naman bilang mga Apostolic Delegates bago naging ganap na Nunciature ang bansa sina Archbishop Ambrose Agius, O.S.B. (1904 – 1911), Archbishop Donato Sbarretti (1901 - 1902), Archbishop Placide Louis Chapelle (1899 – 1905).
(Mk Flores)
Subscribe to:
Post Comments (Atom)
No comments:
Post a Comment